Suriya Prezidenti: "Ölkəmizin təhlükəsizliyini pozanlara qarşı qətiyyətlə mübarizə aparacağıq"
Suriya prezidenti Əhməd əş-Şara Dəməşqdə keçirilən Milli Dialoq Konfransında ölkənin yeni yol xəritəsi ilə bağlı vacib açıqlamalar verib.
Crossmedia.az xarici KİV-ə istinadən xəbər verir ki, o, keçid ədliyyə komissiyasının yaradılacağını bildirərək, “Xalqımızın hüquqlarının bərpası və cinayətkarların ədalət qarşısına çıxarılması üçün çalışacağıq” deyib.
Əş-Şara, həmçinin, silahların dövlət nəzarətində olmasının vacibliyini vurğulayıb: “Silahların birliyi və onların dövlət üzərində monopoliyası lüks deyil, vəzifə və öhdəlikdir”. Prezident Suriya xalqını birliyə çağıraraq, ölkənin təhlükəsizliyini pozmaq istəyənlərə qarşı qətiyyətli mübarizə aparacaqlarını bildirib.
18:25 25.02.2025
Oxunuş sayı: 13130
