Pakistanlı nazir: Şahbaz Şərifin Azərbaycana səfəri yeni imkanlar açacaq
Pakistanın federal ticarət naziri Cam Kamal Xan baş nazir Məhəmməd Şahbaz Şərifin Azərbaycana səfərinin iki ölkə arasında əməkdaşlığı genişləndirəcəyinə və qarşılıqlı inkişaf üçün yeni imkanlar açacağına əmin olduğunu bildirib.
Crossmedia.az xəbər verir ki, bu barədə xarici KİV məlumat yayıb.
Nazir müsahibəsində Baş nazirin Azərbaycanla bütün sahələrdə əməkdaşlığa, iki ölkə arasında möhkəm tərəfdaşlığın inkişafına xüsusi önəm verdiyini vurğulayıb.
O qeyd edib ki, Şahbaz Şərifin səfərindən öncə xüsusi nümayəndə heyətinin Bakıya göndərilməsi Pakistan hökumətinin biznes üçün əlverişli şərait yaratmaq niyyətində nə qədər ciddi olduğunu göstərir.
Cam Kamal Xan əlavə edib ki, Pakistan və Azərbaycan informasiya texnologiyaları və kənd təsərrüfatı sahəsində birgə çalışaraq qarşılıqlı fayda əldə etməyi hədəfləyir.
Nazir, həmçinin, hökumətin beynəlxalq ticarət diplomatiyasına xüsusi diqqət yetirdiyini, bunun Pakistan iqtisadiyyatını gücləndirmək və dayanıqlı inkişafa töhfə vermək strategiyasının bir hissəsi olduğunu qeyd edib.
Fidan Xəlilova
12:18 24.02.2025
Oxunuş sayı: 1025
