Azərbaycan yanvarda internetin orta sürətinə görə irəliləyib
Bu ilin yanvar ayında Azərbaycan sabit genişzolaqlı internetin orta sürətinə (66,91 MB/S) görə 152 ölkə arasında 90-cı yerdə qərarlaşıb ki, bu da əvvəlki aya nisbətən 1 pillə irəliləyiş deməkdir.
Crossmedia.az “Speedtest Global Index”ə istinadən xəbər verir ki, bir il əvvəlki göstərici (35,25 MB/S) ilə müqayisədə ölkədə sabit genişzolaqlı internetin orta sürəti 90 % artıb.
Sabit genişzolaqlı internetin sürətinə görə ötən ay birinci yeri Sinqapur (336,45 MB/S), axırıncı yeri isə Kuba (3,04 MB/S) tutub.
Azərbaycan yanvarda mobil internetin sürətinə görə isə dekabr ayına nisbətən 1 pillə irəliləyərək 70,65 MB/S sürətlə 104 ölkə arasında 54-cü olub.
Mobil internetin sürətinə görə birinci yeri Birləşmiş Ərəb Əmirlikləri (545,94 MB/S), sonuncu yeri isə Eritreya (1,88 MB/S) tutub.
Hesabat ayında Bakı şəhəri sabit genişzolaqlı internetin sürətinə görə mövqeyində qalaraq 198 şəhər arasında 67,75 MB/S sürətlə 115-ci yerdə qərarlaşıb.
Şəhərlərin sabit genişzolaqlı internet üzrə reytinqinə Əbu-Dabi (331,46 MB/S) başçılıq edib. Sonuncu pillədə Hələb (1,99 MB/S) qərarlaşıb.
Azərbaycan paytaxtı ötən ay mobil internetin sürətinə görə əvvəlki aya nisbətən 3 pillə geriləyərək 85,08 MB/S sürətlə 152 şəhər arasında 80-ci olub.
Şəhərlər arasında mobil internetin sürətinə görə birinci yeri Əbu-Dabi (597,74 MB/S), sonuncu yeri Asmara (Eritreya) (1,88 MB/S) tutub.
10:09 17.02.2025
Oxunuş sayı: 8194
