Xarici xəbərlər

İsrail və HƏMAS arasında növbəti əsir mübadiləsi olacaq

İsrail və HƏMAS Qəzza zolağında əsirlərin mübadiləsinə hazırlaşır.

Crossmedia.az xəbər verir ki, İsrail mediasının məlumatına görə, əsirlərin altıncı mübadiləsi çərçivəsində 369 fələstinli məhbus azad ediləcək.

Bildirilib ki, 2023-cü il oktyabrın 7-də Nir-Oz kibutsunda girov götürülmüş üç nəfərin İsrailə qaytarılması gözlənilir. Qırmızı Xaç nümayəndələri artıq azad ediləcək şəxsləri qəbul edib İsrail Müdafiə Ordusuna təhvil vermək üçün yola düşüblər.

Bundan əlavə, “Əl-Qəssam” və “Əl-Qüds” briqadaları israilli əsirləri Qırmızı Xaça təhvil verməyə hazırlaşmaq üçün Qəzzanın cənubundakı Xan-Yunis bölgəsinə yerləşdirilib.

🖨 Çap et

11:58 15.02.2025

Oxunuş sayı: 3848