Mərkəzi Elmi Kitabxananın Qadınlar Təşkilatının yeni tərkibi müəyyənləşib
AMEA-nın Mərkəzi Elmi Kitabxanasının Qadınlar Təşkilatının iclası keçirilib. Şuranın sədri və şura üzvlərinin iştirakı ilə keçirilən iclasda MEK-in Qadınlar Təşkilatının sədrinin, katibinin və idarə heyətinin tərkibinin yenilənməsi kimi məsələlərə baxılıb.
Öncə MEK-in direktoru, texnika elmləri doktoru Hüseyn Hüseynov ölkədə aparılan uğurlu gender siyasətinin nəticəsi kimi diplomatiyada və beynəlxalq məsələlərdə, sosial-iqtisadi inkişaf, elm, təhsil, texnologiya, mədəniyyət sahələrində ölkə qadınlarının rolunun əhəmiyyətli dərəcədə artığını diqqətə çatdırıb. H.Hüseynov fəaliyyəti ilə seçilən, hər zaman milli köklərimizə söykənərək Vətənə sadiq, xalqın maraqlarını qoruyan cəsarətli, vətənpərvər xanımı kimi Respublikanın Birinci vitse-prezidenti, Heydər Əliyev Fondunun prezidenti, Azərbaycanın birinci xanımı Mehriban Əliyevanın hər bir azərbaycanlı qadın üçün fəxr mənbəyi, nümunə olduğunu vurğulayıb.
Hüseyn Hüseynov həmçinin MEK-in qadın əməkdaşlarının fəal mövqeyi, əldə etdikləri nailiyyətlər barədə də danışıb.
Daha sonra iclasda gündəlikdə duran məsələlərə baxılıb, şuranın 11 nəfərdən ibarət yeni tərkibi müəyyənləşdirilib. MEK-in Qarabağ müharibəsi qəhrəmanları fondunun müdiri Röksana Səfərzadə Mərkəzi Elmi Kitabxanasının Qadınlar Təşkilatının sədri, Biblioqrafiya şöbəsinin rəhbəri Aytən Əliyeva sədr müavini, Qarabağ müharibəsi qəhrəmanları fondunun əməkdaşı Ziyarət Atamoğlanova isə katibi seçilib.
Röksanə Səfərzadə çıxış edərək AMEA Mərkəzi Elmi Kitabxanasının Qadınlar Təşkilatına yenidən sədr seçilməsində təşəbbüs göstərən hər kəsə təşəkkürünü bildirib.
İclasda digər təşkilati məsələlərə də baxılıb.
02:41 25.01.2025
Oxunuş sayı: 10539
