Ərdoğan bu ölkəni təriflədi
Türkiyə Prezidenti Rəcəb Tayyib Ərdoğan Ruanda Prezidenti Paul Kagame ilə birgə mətbuat konfransında çıxış edib. Crossmedia.az türk mediasına istinadən xəbər verir ki, Ərdoğan, Ruandanı fetö terror təşkilatı ilə mübarizədəki dəstəyinə görə tərifləyib.
Ərdoğanın Paul Kagame ilə birgə keçirdiyi mətbuat konfransında verdiyi açıqlamalardan əsas məqamlar:
•Ticarət dövriyyəmiz 500 milyon dollara yaxınlaşıb.
• Ruanda daxili sabitliyi və iqtisadi inkişaf modeli ilə fərqlənən önəmli bir ölkədir.
• Ruanda ilə ticarət sahəsində potensialımızı ortaya çıxaracaq işləri müzakirə etdik.
• Ruandanın xarici ticarətində ölkəmizin ilk sıralarda yer alması iqtisadi əlaqələrimizin gələcəyi baxımından önəm daşıyır.
• Ruandaya təhsil sahəsində dəstəyimizi artırırıq.
• Ruanda FETÖ ilə mübarizəmizə ən çox dəstək verən ölkələrdən biridir.
• Afrika ilə əlaqələrimizi hərtərəfli bir çərçivədə inkişaf etdiririk.
• Afrikanın problemlərinə həll yolları tapılması düşüncəsi ilə qitənin sabitliyinə töhfə verməyi hədəfləyirik.
• Ruandanın Şərqi Afrika və Böyük Göllər bölgəsindəki dəyərli töhfələrini rəğbətlə izləyirik.
• (Ruanda ilə Konqo Demokratik Respublikası arasındakı münaqişə) Bu məsələnin həllində hər iki tərəfin istəyi olarsa, dəstək verməyə hazırıq.
• Böyük Göllər bölgəsində sabitlik və sülhə töhfə verəcək Konqo Demokratik Respublikası məsələsinin həlli ilə bağlı hər cür dəstəyi verməyə hazırıq.
Nərgiz Camalzadə
22:57 23.01.2025
Oxunuş sayı: 3626
