Xarici xəbərlər
Suriyanın bu ölkələrə 30 milyard dollar borcu var
Suriyanın xarici işlər naziri ölkəsinin İran və Rusiyaya 30 milyard dollar borcu olduğunu açıqlayıb
Crossmedia.az Iran International-a istinadən xəbər verir ki, Suriyanın xarici işlər naziri Əsəd Həsən Əş-Şeybani Davosda keçirilən Dünya İqtisadi Forumunda iştirak etməzdən öncə “Financial Times” qəzetinə bu barədə müsahibə verib.
Suriyanın xarici işlər naziri bildirib ki, hazırda yeni hökumət Bəşar Əsəd rejimi dövründə ölkəyə dəyən ziyanı müəyyənləşdirməyə çalışır.
Əş-Şeybaninin sözlərinə görə, Suriyanın Bəşar Əsədin keçmiş müttəfiqləri olan Rusiya və İrana ümumilikdə 30 milyard dollar borcu var və hazırda dövlət xəzinəsində kifayət qədər pul yoxdur.
20:36 23.01.2025
Oxunuş sayı: 878
