Rusiya Ukraynanın mülki əhaliyə qarşı davranışları ilə bağlı iclas keçirəcək
Rusiya BMT Təhlükəsizlik Şurasının üzvləri üçün Arria formatında bir görüş keçirəcək. Görüşün əsas mövzusu Ukrayna Silahlı Qüvvələrinin mülki əhaliyə qarşı törətdiyi cinayətlər olacaq. Bu barədə Rusiyanın BMT-dəki daimi nümayəndəliyi bəyanat yayıb.
Crossmedia.az “Tass”a istinadən xəbər verir ki, “24 yanvarda, Nyu-York vaxtı ilə saat 10:00-da Rusiya BMT Təhlükəsizlik Şurasının üzvləri üçün ‘Döyüş meydanından kənar: Ukrayna Silahlı Qüvvələrinin mülki əhaliyə qarşı törətdiyi vəhşiliklər’ mövzusunda Arria formatında bir iclas keçirəcək,” bəyanatda bildirilib.
BMT Təhlükəsizlik Şurasının Arria formatında keçirilən iclasları yalnız üzvlər arasında deyil, həm də digər ölkələrin və vətəndaş cəmiyyətinin nümayəndələrinin iştirakı ilə aktual məsələlərin müzakirəsinə imkan verir.
Nərgiz Camalzadə
20:01 23.01.2025
Oxunuş sayı: 1412
