Trampın hədəsinə cavab gecikmədi...
Kremlin sözçüsü Dmitri Peskov ABŞ prezidenti Donald Trampın Rusiyaya qarşı sanksiyalar təhdidinə cavab verib.
Crossmedia.az-ın xəbərinə görə, Trampın Rusiyaya qarşı yeni sanksiya təhdidlərini dəyərləndirən Peskov, "Burada heç bir yeni ünsür görmürük. Tramp ilk prezidentlik dövründə sanksiya metodlarına ən çox müraciət edən Amerika prezidentlərindən biri olub. O bu üsulları bəyənir",- deyə jurnalistlərin suallarına cavab verib.
ABŞ-dən gələn açıqlamaları yaxından izlədiyini vurğulayan Peskov, "Biz bərabər şərtlərdə və qarşılıqlı hörmətlə dialoqa hazır olmağa davam edirik. Rusiya prezidenti Vladimir Putinlə Tramp arasında belə bir dialoq oldu. Bu mövzuda hələ heç bir inkişaf olmasa belə, gözləntilərimiz var",- deyə o, qeyd edib.
Peskov onu da bildirib ki, Qərb ölkələrinin Rusiyaya qarşı “dostcasına” addımları cavabsız qalmayacaq.
Ermənistanın Kollektiv Təhlükəsizlik Müqaviləsi Təşkilatından (KTMT) çıxmasının mümkünlüyü barədə danışan Peskov, "KTMT öz effektivliyini sübut edən müstəqil və yetkin bir təşkilatdır və fəaliyyətini davam etdirir. Ermənistan bu günə qədər təşkilatdan çıxmaq niyyətini bəyan etməyib",- deyə bildirib.
17:44 23.01.2025
Oxunuş sayı: 1343
