Xarici xəbərlər
NATO Baş katibi Trampın Rusiyaya qarşı sanksiya təhdidlərindən məmnundur
- NATO-nun Baş katibi Mark Rutte ABŞ prezidenti Donald Trampın Rusiyaya qarşı yeni sanksiyalar tətbiq etmək təhdidindən çox məmnun olduğunu bildirib.
- Crossmedia.az xəbər verir ki, bu barədə o, Davosdakı Dünya İqtisadi Forumu çərçivəsində “CNBC” telekanalına verdiyi müsahibədə danışıb.
- “Mən Trampın Rusiyaya qarşı əlavə sanksiyalar tətbiq etmək mövqeyindən çox, çox məmnun oldum”, — deyə alyansın baş katibi vurğulayıb.
- Mark Rutte əlavə edib ki, Rusiya iqtisadiyyatı “çox pis vəziyyətdədir” və onun fikrincə, sanksiyalar bu vəziyyətə təsir edəcək. O, Avropanın da bu yeni sanksiyalara qoşulacağına və Rusiya iqtisadiyyatını “boğacağına” ümid etdiyini bildirib.
- Bundan əvvəl ABŞ prezidenti Donald Tramp Moskvanı Vaşinqtonla razılaşma əldə etməyə və Ukraynada xüsusi hərbi əməliyyatı dayandırmağa çağırmışdı. Tramp qeyd etmişdi ki, Rusiya və Ukrayna hərbçilərinin həyatını qorumaq üçün danışıqlar masasına oturmalıdırlar.
- Nərgiz Camalzadə
16:16 23.01.2025
Oxunuş sayı: 840
