Gizli keçmişdən gələn siqnallar: Alimlər sirli radio partlayışını araşdırır
Kosmosdan gələn güclü radio siqnallarının mənbəyi elm dünyasını heyrətləndirib. Alimlər kosmosun dərinliklərindən gələn güclü radio siqnalını mənbəyinə qədər izləyiblər və tapdıqları qarşısında böyük təəccüb yaşayıblar.
Crossmedia.az TRT Haber-ə istinadən xəbər verir ki, tədqiqatçılar illərdir kosmosun dərinliklərindən gələn son dərəcə qısa və güclü enerji partlayışları olan sürətli radio partlayışlarını izah etməyə çalışıblar. Bu hadisələrin mümkün səbəbləri arasında qara dəliklər və hətta yadplanetli texnologiyalar belə yer alıb.
Belə ki, alimlər bu partlayışları qaynaqlandığı qalaktikalara qədər izləyərək, bu cür güclü siqnalların hansı şəraitdə yarandığını başa düşməyə ümid edirlər.
Hazırda tədqiqatçılar bu partlayışlardan birinin mənbəyini müəyyən edə biliblər. Lakin siqnalın gəldiyi qalaktika son dərəcə qədim, "ölü" və qəribə formaya malik olub.
Alimlərin sözlərinə görə, bu kəşf sirli kosmik hadisələrin düşündüyümüzdən daha müxtəlif yerlərdən gələ biləcəyini göstərir.
Qeyd edək ki, siqnalın 11,3 milyard il yaşı olduğu və Yerdən cəmi iki milyard işıq ili uzaqlıqda yerləşən bir qalaktikadan gəldiyi müəyyən edilib.
Fatimə Məmmədova
15:57 23.01.2025
Oxunuş sayı: 2828
