Küçələrin “hər an partlamağa hazır olan bombası”- Ekspert çıxış yolunu göstərdi
Xaçmazda kobud qayda pozuntularına yol verən sürücülərə qarşı keçirilən profilaktik tədbirlər çərçivəsində avtomobili narkotiklərin və spirtli içkinin təsiri altında idarə edən 25 sürücü aşkar olunub.
Bu barədə Daxili İşlər Nazirliyinin mətbuat xidmətinin Quba regional qrupundan məlumat verilib.
Bildirilib ki, Xaçmaz Rayon Polis Şöbəsinin Dövlət Yol Polisi Bölməsinin əməkdaşları tərəfindən rayon ərazisində yol hərəkəti təhlükəsizliyinin təmin edilməsi məqsədi ilə profilaktik tədbirlər keçirilib.
Son 5 gün ərzində keçirilən tədbirlər zamanı avtomobili narkotiklərin təsiri altında idarə edən 14 sürücü saxlanılıb. Tibbi müayinə zamanı onların narkotik vasitə qəbul edərək sükan arxasında əyləşdikləri müəyyən olunub. Sürücülər barəsində toplanan materiallara hüquqi qiymət verilməsi üçün məhkəməyə göndərilib və hər biri 25 sutka inzibati qaydada həbs edilib.
Tədbir zamanı avtomobili spirtli içki qəbul edərək idarə edən daha 11 sürücü müəyyən olunaraq saxlanılıb. Həmin sürücülər barəsində qanunla nəzərdə tutulan qaydada inzibati protokol tərtib olunub. Xaçmaz rayonu ərazisində yol hərəkəti təhlükəsizliyinin təmin edilməsi məqsədi ilə profilaktik tədbirlər mütəmadi olaraq həyata keçiriləcəkdir.
Belə hallarla tz- tez rastlaşırıq. Sürücülər nəinki özlərinin, hətta ətrafdakıların da təhlükəsizliyi barədə düşünmürlər. Bu, bir növ “ hər an partlamağa hazır olan bomba” effektini xatırladır. Yəni spirtli içki və narkotik maddənin təsiri altında avtomobili idarə etmək kifayət qədər təhlükəlidir.
Elə isə nə etmək lazımdır? Hansı addımlar atılmalıdır ki, oxşar halların qarşısı alınsın?
Məsələ ilə bağlı Crossmedia.az-a açıqlama verən nəqliyyat eksperti Aslan Əsədov bildirib ki, bölgələrdə, xüsusilə turistik ərazilərdə belə nöqsanlar müşahidı olunur: “Bu, birbaşa olaraq cəmiyyətə sirayət edir və haqlı olaraq narahatlıq və narazılıq yarada bilər. Bunun aradan qaldırılması üçün qanunlar sərtləşdirilir və qanunvericilikdə kifayət qədər dəyişikliklər olur, sərt qanunlar qəbul olunu. Lakin görünür ki, bu, hər zaman effektiv olmur”.
Belə halların aradan qaldırılması üçün təbii ki, qanunların sərtləşdirilməsi və qanunvericilikdə kifayət qədər dəyişikliklərə məruz qalıb, sərt qanunlar qəbul olunub, lakin görünür ki, bu, hər zaman effektiv olmur.
- Ona görə də qanunları yenidən işləyib hazırlanmalı, narkotik vasitələrin təsiri altında nəqliyyat vasitələrinin idarə olunması ilə bağlı sərt tədbirlər görülməlidir. İş prinsipi daha sağlam qurulmalı və hər bir vətəndaş öz məsuliyyətini dərk etməlidir. Vətəndaşlar anlamalıdır ki, məsuliyyətsiz sürücülük həm özü, həm də başqaları üçün potensial təhlükə yaradır. Bu vəziyyət digər şəxslərin həyatına da son qoya biləcək qədər ağır və təhlükəli nəticələrə səbəb ola bilər”.
- “Bu kimi məsələlərin həlli üçün cəmiyyət olaraq sağlam düşüncəyə malik olmalı, nəqliyyat vasitələrini təhlükəsiz idarə etməklə cəmiyyətin təhlükəsizliyini təmin etməliyik. Yalnız inzibati və qanuni tədbirlərlə deyil, həm də ictimai vəziyyətdən asılı olaraq ictimai qınaq və vətəndaş mövqeyi ortaya qoyulmalıdır. Bu cür yanaşma ilə hər hansı problemin öhdəsindən gəlmək mümkündür. Əks halda, bu məsələləri həll etmək çox çətin, hətta qeyri-mümkün ola bilər”, - o, əlavə edib.
- Nərgiz Camalzadə
17:14 22.01.2025
Oxunuş sayı: 9880
