Cəmiyyət
Azərbaycana gizli yolla 433 telefon keçirilməsinin qarşısı alınıb
Tovuz Gömrük İdarəsi əməkdaşlarının həyata keçirdiyi tədbirlər nəticəsində mobil telefonların bəyan olunmadan gömrük sərhədindən keçirilməsinin qarşısı alınıb.
Crossmedia.az xəbər verir ki, İdarənin “Qırmızı Körpü” gömrük postunda Gürcüstandan Azərbaycan Respublikasına gələn nəqliyyat vasitəsinə gömrük baxışı keçirilib.
Gömrük baxışı zamanı nəqliyyat vasitəsinin dartıcı hissəsində gizlədilən, gömrük orqanına bəyan edilməyən 433 ədəd mobil telefon aşkar edilib.
Faktla bağlı araşdırma aparılır.
10:40 03.11.2026
Oxunuş sayı: 62
