ABŞ qırıcısı Trampın iqamətgahı yaxınlığında mülki təyyarəni ələ keçirib
ABŞ Hərbi Hava Qüvvələrinə məxsus F-16 qırıcısı Florida ştatının Palm-Biç şəhərində, Prezident Donald Trampın iqamətgahı yaxınlığında müvəqqəti uçuş məhdudiyyəti zonasına daxil olan mülki təyyarəni ələ keçirib.
Crossmedia.az xəbər verir ki, bu barədə Şimali Amerika Aerokosmik Müdafiə Komandanlığı (NORAD) məlumat yayıb.
Hadisə yerli vaxtla saat 12:20 radələrində baş verib. Mülki təyyarə qadağan olunmuş hava məkanına daxil olduqdan sonra qırıcı pilotun diqqətini cəlb etmək üçün standart manevr həyata keçirib.
Bundan sonra mülki təyyarənin pilotu hərbçilərlə əlaqə saxlayıb və onların göstərişlərinə uyğun hərəkət edərək məhdudiyyət zonasını təhlükəsiz şəkildə tərk edib.
NORAD xatırladıb ki, belə hallarda mülki təyyarənin pilotu hərbçilərlə 121,5 və ya 243,0 MHz tezliklərində əlaqə saxlamalı və verilən göstərişlərə uyğun olaraq uçuş istiqamətini dəyişməlidir.
Qurumun məlumatına görə, uçuş məhdudiyyətlərini pozan şəxslər enişdən sonra federal orqanlarla qarşılaşa və barələrində məcburi tədbirlər görülə bilər.
09:49 25.10.2026
Oxunuş sayı: 58
