Yüksək vəzifəli ABŞ məmurları Netanyahunun seçilməsini istəmir
ABŞ Prezidenti Donald Trampın bir neçə yüksəkvəzifəli müşaviri Benyamin Netanyahunun rəhbərlik etmədiyi İsrail hökuməti ilə əməkdaşlığın daha asan olacağını düşünür.
Crossmedia.az xəbər verir ki, bu barədə “Axios” nəşri məlumat yayıb.
Nəşrin məlumatına görə, Trampın çərşənbə axşamı keçiriləcək seçkilər öncəsi İsrailin hazırkı baş nazirinə dəstək verməsinə baxmayaraq, onun administrasiyasında Netanyahunun siyasətindən narazılıq artır.
ABŞ-nin vitse-prezidenti Cey Di Vens İranla müharibəyə görə Netanyahudan məyus olub. Administrasiyanın digər nümayəndələri isə İsrailin Suriya, Livan və İordan çayının qərb sahilində yürütdüyü siyasətdən narahatlıq ifadə edirlər.
“Axios”un məlumatına əsasən, İsraildə keçirilən üç böyük rəy sorğusunun nəticələri Netanyahunun rəhbərlik etdiyi siyasi blokun parlamentdə cəmi 50 mandat qazana biləcəyini göstərir.
Bu vəziyyət ölkədə siyasi dalana dirənmə riskini artırır. Nəticədə Netanyahu müvəqqəti baş nazir statusunda hakimiyyətdə qala bilər.
19:17 24.10.2026
Oxunuş sayı: 66
