10 illik inkişafdan sonra aksiya oyunu təqdim olunur
Tanınmış oyun dizayneri Ken Levine və "Ghost Story Games" studiyası yeni layihəsi "Judas" ilə hekayə yönümlü oyun təcrübəsində fərqlənməyi hədəfləyir. Levine, verdiyi son müsahibədə oyunun yaradılma prosesinə dair maraqlı detallar açıqlayıb.
"Judas"ın əsas xüsusiyyəti oyunçuların qərarlarına və hərəkətlərinə uyğun formalaşan dinamik bir hekayə təqdim etməsidir. Levine müsahibəsində qeyd edib ki, "Judas" oyununda yanaşmamız oyunçunun hərəkətlərini anlamağa və buna uyğun reaksiya verməyə əsaslanır.
Bu səviyyədə qarşılıqlı əlaqəni yaratmaq üçün "Ghost Story Games" komandası, hekayə ilə çoxsaylı əlaqə yollarını əvvəlcədən düşünərək proqramlaşdırma çətinlikləri ilə üzləşib. Studio, ara səhnələrin rolunu minimuma endirərək, hekayənin tamamilə oyunçu seçimlərinə əsaslanmasını təmin etməyə çalışır.
Oyunun digər çətinliklərindən biri isə post-apokaliptik bir gəmidə baş verməsi və oyunçuların həmin gəmidə məhdud imkanlarla sağ qalmağa çalışmasıdır. İnkişaf qrupu, mövcud texnologiyanın süni intellekt istifadə edərək bu səviyyədə davamlılıq və uyğunluq təmin edə bilməyəcəyini qeyd edərək, bu yanaşmadan imtina edib.
"BioShock" və "Inside" kimi hekayə əsaslı oyunların müəllifi olan Levine, "Judas" ilə interaktiv hekayə təqdimatında yeni bir yanaşma gətirməyi planlaşdırır. O, müsahibəsində deyib: “Bu mürəkkəb bir problemdir və bunun yalnız bir həlli yolu olduğunu düşünmürəm.”
Emil Bağızadə
04:48 06.01.2025
Oxunuş sayı: 3793
