Xarici xəbərlər

Çin Rusiyanın neftinə görə daha yüksək qiymət ödəməyə başlayıb

Rusiyanın ESPO markalı neftinin qiyməti Çinin alternativ tədarük imkanlarının azalması fonunda kəskin yüksəlib.

Crossmedia.az xəbər verir ki, “Bloomberg” bu barədə məlumat yayıb.

Treydinq şirkətlərinin nümayəndələrinin sözlərinə görə, noyabrda yüklənməsi nəzərdə tutulan ESPO nefti Brent markalı neftin fyuçers qiymətindən bir barel üçün 20 dollardan çox baha təklif olunub.

Belə qiymət formalaşarsa, ESPO neftinin mükafatı əvvəlki həftə ilə müqayisədə iki dəfə artmış olacaq.

Məlumata görə, Çinin müstəqil neft emalı zavodları ABŞ-nin blokadası səbəbindən üstünlük verdikləri İran neftinə çıxışlarını itirirlər. Bu isə Rusiyanın Çinə çatdırılması bir həftədən az vaxt aparan ESPO neftinə tələbatı artırıb.

Alternativ olaraq Çin emalçıları Kanada, Braziliya və Argentina kimi daha uzaq regionlardan neft almağa məcbur qalırlar.

Mövzular:

Çin Rusiya Brent markalı neft 20 dollar neft emalı zavodu Treydinq şirkətləri

🖨 Çap et

20:23 10.09.2026

Oxunuş sayı: 46