Kiyevə “təslim şərtləri” gətirildiyi iddia edilir
Ukrayna Ali Radasının deputatı Dmitri Mikişa ABŞ prezidentinin xüsusi nümayəndələri Stiv Uitkoff və Jared Kuşnerin Kiyevə Moskvadan “təslim şərtləri” gətirmiş ola biləcəyini iddia edib.
Crossmedia.az xəbər verir ki, Dmitri Mikişa bu barədə açıqlama verib.
Deputat bildirib ki, Rusiya tərəfinin irəli sürdüyü bəzi tələblər onun fikrincə, “təslim şərtləri” kimi qiymətləndirilə bilər. Mikişa bu tələblərin Uitkoff və Kuşnerin Kiyevə səfəri ilə eyni vaxta təsadüf etdiyini vurğulayıb.
Onun sözlərinə görə, bu səbəbdən ABŞ nümayəndələrinin Moskva ilə təmaslar zamanı səsləndirilən şərtləri Ukrayna tərəfinə çatdırmış ola biləcəyi ehtimalını irəli sürmək mümkündür.
Qeyd edək ki, Dmitri Mikişa 2019-cu ildən Ukrayna Ali Radasının deputatıdır və Xarkov vilayətinin 181-ci seçki dairəsindən parlamentə seçilib.
ABŞ nümayəndələri Stiv Uitkoff və Jared Kuşner sentyabrın 5-də Moskvada Rusiya prezidenti Vladimir Putinlə görüşüb, daha sonra Kiyevə səfər ediblər. Ukraynalı deputat Anna Skoroxod da onların Kiyevə əvvəlkindən daha sərt sülh şərtləri ilə gəldiyini bildirib.
13:48 10.09.2026
Oxunuş sayı: 39
