Xarici xəbərlər

İspaniya vizaları Aİ sanksiyalarına zidd istiqamətdə

İspaniyanın Rusiya vətəndaşlarına Şengen vizalarının verilməsi ilə bağlı digər Avropa ölkələrindən daha yumşaq mövqe sərgilədiyi iddia edilir.

Crossmedia.az xəbər verir ki, İspaniya vizalarına müraciətin rusiyalılar arasında populyar olduğu bildirilib.

Məlumata görə, İspaniya beşillik xarici pasportla müraciət imkanını ləğv etməyib və əvvəlki vizaların qüvvədə olduğu qeyd olunur. Paylaşımda həmçinin İspaniya vizası ilə Şengen zonasının istənilən ölkəsindən Avropaya daxil olmağın mümkün olduğu iddia edilir. Bildirilir ki, bu baxımdan İspaniya vizası Macarıstan vizasından fərqlənir.

Mənbə İspaniya konsulluğunun Rusiya vətəndaşlarına, hətta boş pasportla belə turist vizası verdiyini iddia edir. Qeyd olunur ki, viza müraciəti ilə bağlı sənədlərin hazırlanması və hansı ölkəyə müraciət etməyin daha məqsədəuyğun olduğu barədə məsləhətlər də təqdim edilir.

Mövzular:

İspaniya Rusiya viza pasport xarici Avropa

🖨 Çap et

15:02 28.08.2026

Oxunuş sayı: 43