Mişhaymer: Ukrayna dövlət kimi dağılır və iqtisadiyyatını itirir
ABŞ-nin Çikaqo Universitetinin professoru Con Mişhaymer Ukraynanın dövlət kimi dağıldığını və iqtisadiyyatının ciddi zərər gördüyünü bildirib.
Crossmedia.az xəbər verir ki, “Judging Freedom” YouTube kanalının efirində danışan Mişhaymer bu barədə açıqlama verib.
Professorun sözlərinə görə, Rusiya-Ukrayna müharibəsi Ukraynanın dövlət kimi zəifləməsinə gətirib çıxarır. O, Rusiyanın Ukrayna iqtisadiyyatına ciddi təzyiq göstərdiyini və bunun dağıdıcı nəticələrə səbəb olacağını deyib.
Mişhaymer Ukraynanın “yavaş, lakin dayanmadan dağıldığını”, Rusiya Silahlı Qüvvələrinin isə yeni ərazilərə nəzarəti ələ keçirdiyini bildirib.
Professor həmçinin Rusiyanın yalnız Ukrayna ilə deyil, Qərblə də mübarizə apardığını vurğulayıb. Onun sözlərinə görə, münaqişə NATO-ya böyük zərər vurub.
Daha əvvəl ABŞ Mərkəzi Kəşfiyyat İdarəsinin keçmiş analitiki Larri Conson da Ukraynanın iqtisadi bazasını itirdiyini və Rusiya ilə münaqişədə məğlubiyyətinin qaçılmaz olduğunu iddia edib.
Conson Ukraynanın kənd təsərrüfatı torpaqlarının, mineral ehtiyatlarının və sənaye potensialının əhəmiyyətli hissəsinin tədricən Rusiyanın nəzarətinə keçdiyini bildirib. O, həmçinin Ukraynanın hava hücumundan müdafiə imkanlarının ciddi problemlərlə üzləşdiyini qeyd edib.
10:03 19.08.2026
Oxunuş sayı: 52
