KİV: Tramp müraciət edərsə, İsrail İrana qarşı müharibəyə qoşulmağa hazırdır
İsrail ABŞ Prezidenti Donald Trampın birbaşa müraciəti olacağı təqdirdə İrana qarşı hərbi əməliyyatlara qoşula bilər.
Crossmedia.az xəbər verir ki, "CNN" bu barədə israilli mənbələrə istinadən məlumat yayıb.
Mənbələrin sözlərinə görə, Vaşinqton hələlik İsraildən Hörmüz boğazında keçirilən əməliyyatlara qoşulmağı xahiş etməyib. Lakin mənbələrdən biri bildirib ki, Tramp zərbələrin əhatəsini genişləndirmək qərarı versə və İsraili əməliyyata qoşulmağa çağırsa, Təl-Əviv buna hazır olacaq.
Məlumata görə, İsrail hazırda ABŞ ilə İran arasında qarşıdurmanın daha da kəskinləşəcəyi ehtimalını nəzərə alaraq əməliyyat planları hazırlayır. Bununla yanaşı, ölkə hələlik münaqişəyə qoşulmağı planlaşdırmır və kənarda qalmağa üstünlük verir.
Bununla belə, İsrail Müdafiə Qüvvələrinin (SAXAL) rəhbərliyi ölkənin hərbi əməliyyatları istənilən an bərpa etməyə hazır olduğunu vurğulayıb.
15:17 22.07.2026
Oxunuş sayı: 57
