Xarici xəbərlər

Ermənistanla Rusiya arasında ticarət dövriyyəsi 21,5 faiz azalıb

2026-cı ilin yanvar–may aylarında Ermənistan ilə Rusiya arasında ticarət dövriyyəsi ötən ilin eyni dövrü ilə müqayisədə 21,5 faiz azalaraq 2,196 milyard dollara düşüb.

Crossmedia.az xəbər verir ki, Ermənistan Statistika Komitəsinin məlumatlarını "TASS" agentliyi təhlil edib.

Statistikaya əsasən, 2025-ci ilin ilk beş ayında iki ölkə arasında ticarət dövriyyəsi 2,763 milyard dollar təşkil etmişdi.

Eyni zamanda, Rusiyanın Ermənistanın ümumi xarici ticarətindəki payı da azalıb. Belə ki, 2026-cı ilin yanvar–may aylarında bu göstərici 28 faiz olub. Halbuki 2025-ci ilin eyni dövründə Rusiyanın payı 35,1 faiz təşkil edirdi.

Məlumatda qeyd olunur ki, bu dövrdə Ermənistanın Avrasiya İqtisadi İttifaqı (Aİİ) ölkələri ilə ümumi ticarət dövriyyəsinin payı da 36,7 faizdən 29,8 faizə enib.

Bununla yanaşı, Ermənistanın Aİİ-yə üzv digər ölkələrlə ticarət dövriyyəsində artım qeydə alınıb. Belə ki, Belarusla ticarət 8,3 faiz, Qazaxıstanla 10 faiz, Qırğızıstanla isə 194,8 faiz artıb.

🖨 Çap et

12:57 11.07.2026

Oxunuş sayı: 50