Hörmüz boğazından gəmi keçidi minimum səviyyəyə enib
ABŞ ilə İran arasında hərbi gərginliyin artması fonunda Hörmüz boğazından keçən kommersiya gəmilərinin sayı son günlər minimum səviyyəyə düşüb.
Crossmedia.az xəbər verir ki, "İnterfaks" bu barədə dəniz yükdaşımalarını izləyən "Windward" şirkətinin məlumatına istinadən yayıb.
Şirkətin məlumatına görə, son 12 saat ərzində Hörmüz boğazından cəmi 6 kommersiya gəmisi keçib. Halbuki bir neçə gün əvvəl bu göstərici adətən 18–22 gəmi təşkil edirdi.
"Windward" həmçinin qeyd edib ki, son günlər "gizli tranzit" halları da artıb. Belə ki, bəzi gəmilər marşrutlarını gizlətmək məqsədilə avtomatik identifikasiya sisteminin (AIS) transponderlərini söndürərək hərəkət edirlər.
Hazırda bu cür "gizli tranzit" həyata keçirən gəmilər ümumi dəniz hərəkətinin təxminən 40 faizini təşkil edir. Bu, son altı gün ərzində qeydə alınan ən yüksək göstərici hesab olunur.
11:38 11.07.2026
Oxunuş sayı: 55
