Yaponiyanı sarsıdan böhran: İnsanlar söhbət üçün pul ödəyir
Yaponiya sürətlə qocalan əhali və kiçilən ailələr fonunda dərin tənhalıq böhranı yaşayır. Hazırda ölkə əhalisinin təxminən 30 faizini 65 yaşdan yuxarı şəxslər təşkil edir ki, bu da Yaponiyanı dünyanın ən yaşlı əhalisinə malik ölkəsinə çevirib.
Crossmedia.az xəbər verir ki, ötən il təxminən 77 min nəfər evində tamamilə tək vəziyyətdə dünyasını dəyişib. Yaponiyada bu hal “kodokuşi” – yəni “tənhalıq ölümü” adlandırılır. Tənha yaşayan yaşlılara dəstək məqsədilə gündəlik qatıq çatdıran kuryerlərin onların vəziyyətini yoxladığı xüsusi sosial proqramlar da fəaliyyət göstərir.
Mütəxəssislərin fikrincə, problem təkcə yaşlıları deyil, gəncləri də əhatə edir. Güclü iş təzyiqi və sosial təcrid səbəbindən tənhalıq ölkədə geniş yayılıb. Bu səbəbdən Yaponiya hökuməti 2021-ci ildə Tənhalıq üzrə nazir vəzifəsi yaradıb. Eyni zamanda, insanlara ödəniş müqabilində həmsöhbət və emosional dəstək xidmətləri göstərən milyardlarla dollarlıq yeni sənaye formalaşıb.
00:25 28.06.2026
Oxunuş sayı: 42
