Xarici xəbərlər

Türkiyə Rusiya - Ukrayna müharibəsinin tezliklə həllinə çağırıb

Türkiyənin milli müdafiə naziri Yaşar Güler bildirib ki, Ankara Ukrayna münaqişəsinin mümkün qədər qısa müddətdə nizamlanmasını vacib hesab edir.

Crossmedia.az bu barədə xarici mediaya istinadən xəbər verir.

Onun sözlərinə görə, münaqişə Avropa və NATO-nun təhlükəsizliyinə birbaşa təsir göstərir.

Nazir qeyd edib ki, Türkiyə münaqişənin başlanğıcından etibarən balanslaşdırılmış, prinsipial və konstruktiv siyasət yürüdür və həm Ukrayna, həm də Rusiya ilə dialoq qura bilən azsaylı NATO üzvü olan ölkələrdən biridir.

“Türkiyənin regionda sülhün mümkün qədər tez bərqərar olması üçün qəti iradəsi və səyləri var. Bu, eyni zamanda NATO və Avropanın təhlükəsizliyinə mühüm töhfə verəcək”, – deyə Güler bildirib.

Nazir əlavə edib ki, Qara dənizdə sabitliyin qorunması Avro-Atlantik məkanın təhlükəsizliyinin ayrılmaz tərkib hissəsidir. Onun fikirləri Türkiyənin NTV telekanalına açıqlamasında səsləndirilib.

🖨 Çap et

15:30 19.06.2026

Oxunuş sayı: 56