Xarici xəbərlər

KİV: İranda “yaxşı polis, pis polis” taktikası iflasa uğrayıb

ABŞ və İran arasında İslamabadda keçirilməsi planlaşdırılan danışıqların ləğv edilməsi Tehrandakı daxili fikir ayrılıqları və qarışıqlıqla əlaqəlidir.

Crossmedia.az xəbər verir ki, bu barədə "Fox News" telekanalı məlumat yayıb.

Məlumata görə, Ağ Ev rəhbəri Donald Tramp İran hakimiyyəti daxilində rəhbərlik məsələsində qeyri-müəyyənlik olduğunu əsas gətirərək planlaşdırılan görüşü ləğv edib.

Tramp açıqlamasında İranda heç kimin kimin rəhbərlik etdiyini bilmədiyini bildirib və ABŞ-nin üstün mövqedə olduğunu vurğulayıb.

"Fox News" yazır ki, bu hadisə İranın siyasi sistemində “mülayimlər” və “sərt xətt tərəfdarları” arasında bölünmə barədə ənənəvi narrativin zəiflədiyini göstərən yeni əlamətlər yaradıb.

Telekanalın məlumatına görə, bəzi İran-Amerika ekspertləri hesab edir ki, son proseslər İranın illərdir istifadə etdiyi “yaxşı polis, pis polis” taktikasının artıq effektiv olmadığını ortaya qoyub.

🖨 Çap et

13:50 26.04.2026

Oxunuş sayı: 64