Müharibədən qaçmaq istəyən Özbəkistan vətəndaşı həbs edilib
Rusiyada Ukraynaya qarşı müharibədə iştirak etdikdən sonra ölkəni tərk etməyə cəhd göstərən Özbəkistan vətəndaşı həbs edilib.
Crossmedia.az bu barədə xarici mediaya istinadən xəbər verir.
Novosibirsk Qarnizonu Hərbi Məhkəməsinin qərarına əsasən, Özbəkistan vətəndaşı Jasurjon Erqaşəliyev Qazaxıstanla sərhədi qanunsuz keçməyə cəhd etdiyinə görə 7 il 9 ay müddətinə ciddi rejimli cəzaçəkmə müəssisəsində azadlıqdan məhrum edilib.
Məlumata görə, Erqaşəliyev daha əvvəl narkotik vasitələrin qanunsuz dövriyyəsinə görə məhkum olunub. O, sonradan Rusiya Müdafiə Nazirliyi ilə müqavilə bağlayaraq Ukraynaya qarşı aparılan müharibəyə göndərilib. Döyüşlər zamanı yaralandıqdan və müalicə aldıqdan sonra Rusiyanı tərk etməyə cəhd etsə də, FSB sərhədçiləri tərəfindən saxlanılıb.
Rusiya ordusunda neçə Özbəkistan vətəndaşının döyüşdüyü ilə bağlı rəsmi statistika açıqlanmayıb. Lakin Ukraynanın Yaşamaq istəyirəm layihəsinin məlumatına görə, bu rəqəm azı 2715 nəfərdir.
Eyni zamanda bildirilir ki, Özbəkistanın özündə 2022-ci ildən bu yana xaricdə müharibədə iştirakla bağlı 338 muzdlu döyüşçü cinayət işi açılıb. Bu fakt Mərkəzi Asiya ölkələri vətəndaşlarının Rusiya–Ukrayna müharibəsinə cəlb olunması probleminin miqyasını bir daha gündəmə gətirib.
15:25 22.01.2026
Oxunuş sayı: 1405
