Azərbaycan Könüllülərinin VIII Həmrəylik Forumu keçirilib - YENİLƏNİB
"Azərbaycan Könüllülük Həftəsi 2025" çərçivəsində Azərbaycan Respublikasının Gənclər Fondunun dəstəyi, Azərbaycan Könüllü Təşkilatları İttifaqının (AKTİ) təşkilatçılığı, Gənclər və İdman Nazirliyi, Ədliyyə Nazirliyi, "ASAN xidmət"in tərəfdaşlığı ilə Azərbaycan Könüllülərinin VIII Həmrəylik Forumu keçirilib.
Crossmedia.az xəbər verir ki, ölkənin 3 min 500-ə yaxın könüllüsünü bir araya gətirən forum "Konstitusiya və Suverenlik İli"nə həsr edilib.
Eyni zamanda, forum çərçivəsində ölkədə fəaliyyət göstərən könüllü təşkilatlarının sərgisi keçirilib. Sərgi zamanı könüllü təşkilatlarının fərdi stendlərində Azərbaycan könüllülərinin müxtəlif sahələrdə fəaliyyəti və nailiyyətləri ilə bağlı məlumatlar nümayiş olunub.
Forumda Azərbaycan Respublikası Prezidentinin Administrasiyasının Gənclər siyasəti və idman məsələləri şöbəsinin sektor müdiri Həmid Nəsibov, ədliyyə nazirinin müavini Toğrul Hüseynov, gənclər və idman nazirinin müavini Fərhad Hacıyev və Gənclər Fondunun icraçı direktoru vəzifəsini icra edən Yusif Vəliyev çıxış edərək ölkədəki könüllülük fəaliyyətinin təşviqi və inkişafı istiqamətində həyata keçirilən fəaliyyətlərdən bəhs ediblər.
Daha sonra Azərbaycan Könüllü Təşkilatları İttifaqının sədri Vüqar Əliyev tədbir iştirakçılarına İittifaqın 2025-ci il ərzində həyata keçirdiyi layihələr və fəaliyyəti barədə məlumat verib.
Daha sonra 44 günlük Vətən müharibəsində qazanılan qələbənin 5-ci ildönümünə həsr olunmuş videoçarx, müxtəlif sahələrdə könüllülərin fəaliyyətini əks etdirən videohesabatlar nümayiş etdirilib.
Forum çərçivəsində könüllülük fəaliyyətinin qiymətləndirilməsinə və gənclərin sosial məsuliyyətlərinin təşviqinə yönəlmiş önəmli addım olaraq 50-dən çox könüllü gənc 2025-ci il üzrə "İlin Könüllüsü" mükafatı ilə təltif olunub.
Tədbirin yekununda xatirə fotosu çəkilib.
13:28
Bakıda “Konstitusiya və Suverenlik İli”nə həsr edilən 7-ci “Azərbaycan Könüllülük Həftəsi” çərçivəsində Azərbaycan Könüllülərinin 8-ci Həmrəylik Forumu keçirilir.
Crossmedia.az xəbər verir ki, 3 mindən çox könüllünün iştirak edəcəyi forum çərçivəsində İttifaqa üzv olan könüllü təşkilatlarının sərgisi keçirilir.
Həmçinin, il ərzində Azərbaycanda könüllülüyün inkişafı istiqamətində həyata keçirilən fəaliyyətlərin ictimaiyyətə təqdimatı baş tutacaq.
Bununla yanaşı, ənənəvi olaraq il ərzində fəaliyyətlərinə görə fərqlənən könüllülər müxtəlif nominasiyalar üzrə təltif olunacaqlar.
15:31 04.12.2025
Oxunuş sayı: 3744
