Minsk qrupu ləğv edilib: Tarixi diplomatik qələbə
Azərbaycanın ardıcıl və prinsipial diplomatik siyasəti nəticəsində 1 dekabrda ATƏT-in Minsk qrupu ləğv olunub.
Crossmedia.az xəbər verir ki, Minsk qrupu uzun illər boyu münaqişəni uzatmaq, status-kvonu saxlamaq və Azərbaycan üzərində təzyiq göstərən bir qurum kimi fəaliyyət göstərib. Qrupun həmsədrləri – Rusiya, ABŞ və Fransa – münaqişənin həlli üçün danışıqlar aparıblar, lakin səmərəliliyi zaman-zaman sual altında olub.
Azərbaycanın mövqeyi isə ardıcıl diplomatiya və strateji yanaşma ilə qrupun fəaliyyəti üzərində təsirini azaltmağa nail olub. Minsk qrupunun ləğvi Azərbaycanın beynəlxalq platformalarda əldə etdiyi ən əhəmiyyətli siyasi uğurdur.
Bu qərar bölgədə yeni geosiyasi reallıqların formalaşmasına təkan verəcək. Azərbaycan bundan sonra birbaşa danışıqlar və regional əməkdaşlıq vasitəsilə Dağlıq Qarabağ münaqişəsinin qalıq məsələlərini həll etməyə yönələcək. Beynəlxalq ictimaiyyət də Azərbaycanın prinsipial mövqeyini və effektiv diplomatiyasını təqdir edir.
Beləliklə, Minsk qrupu ömrünü başa vurdu və bu, Azərbaycanın diplomatik iradəsinin gücünü göstərir.
Türkan Kərimli
15:17 02.12.2025
Oxunuş sayı: 952
