Xarici xəbərlər

Ağ Ev Xameneiyə cavab verdi: İran İsrailin mövcudluq hüququnu tanımalıdır

ABŞ administrasiyası İranın ali rəhbəri Əli Xameneyinin Donald Trampın birbaşa dialoq təklifini rədd etməsinə cavab verib. Ağ Ev bildirib ki, diplomatiya yolları hələ açıqdır, lakin Tehranın “terrorizmdən əl çəkmədən və İsrailin mövcudluq hüququnu tanımadan” Yaxın Şərqdə sülh mümkün olmayacaq.

Crossmedia.az xəbər verir ki, Xameneyi Trampın təklifini “real razılaşma deyil, siyasi məcburiyyət” kimi dəyərləndirib. Buna cavab olaraq, ABŞ rəsmiləri İranı kursunu dəyişməyə çağırıb və Tramp administrasiyasının diplomatik həll yollarına açıq olduğunu vurğulayıblar.

Dünən İran Xarici İşlər Nazirliyinin sözçüsü İsmail Bəqayi də vasitəçilər üzərindən ABŞ ilə təmasların “az-çox” davam etdiyini təsdiqləsə də, hazırda rəsmi danışıqların aparılmadığını açıqlayıb.

🖨 Çap et

12:38 21.10.2025

Oxunuş sayı: 1023