Türkiyə və Suriya yeni hərbi saziş imzalayacaq
Ankara Suriyaya hərbi avadanlıq tədarükünü və iki ölkə arasında təhlükəsizlik sahəsində əməkdaşlığın genişləndirilməsini nəzərdə tutan yeni saziş üzərində çalışır.
Bu barədə Crossmedia.az Bloomberg agentliyinə istinadən xəbər verir
Bu razılaşma Türkiyəyə PKK/YPG terror təşkilatına qarşı sərhədyanı ərazilərdə əməliyyatlar keçirməyə daha geniş imkanlar verəcək.
Avadanlığın tədarükü yaxın həftələrdə, onun Suriyanın şimalında yerləşdirilməsi isə qısa müddətdə gözlənilir. Bu addım vasitəsilə Türkiyə sərhəd təhlükəsizliyini gücləndirməyi hədəfləyir.
Rəsmi şəxslərin açıqlamasına əsasən, tərəflər 1990-cı illərdə imzalanmış təhlükəsizlik sazişinin genişləndirilməsi imkanını da nəzərdən keçirirlər. Yeni razılaşma Ankaraya əməliyyatlar üçün daha geniş səlahiyyətlər təqdim edə bilər.
Müzakirə olunan əsas məsələlərdən biri isə əməliyyat radiusunun 5 kilometrdən 30 kilometrə qədər artırılmasıdır.
Mehriban İbrahimli
18:06 17.10.2025
Oxunuş sayı: 1443
