Moskva: Kiyevə “Tomahawk” raketlərinin verilməsi düşmən addımı kimi qəbul ediləcək
Rusiya Xarici Kəşfiyyat Xidmətinin (SVR) direktoru Sergey Narışkin bildirib ki, Ukraynaya “Tomahawk” tipli raketlərin göndərilməsi Moskva tərəfindən düşmən addımı kimi qiymətləndiriləcək və bu, qlobal təhlükəsizlik sahəsində riskləri əhəmiyyətli dərəcədə artıracaq.
Crossmedia.az xəbər verir ki, bu barədə xarici KİV yazıb.
Narışkin bu fikirləri Özbəkistanın Səmərqənd şəhərində keçirilən MDB-yə üzv ölkələrin təhlükəsizlik və xüsusi xidmət orqanları rəhbərləri Şurasının iclası çərçivəsində səsləndirib.
“Əgər belə bir addım atılarsa, Rusiya bunu açıq şəkildə düşmənçilik kimi qəbul edəcək. Bu qərar təkcə Avropa deyil, həm də dünya təhlükəsizliyi üçün ciddi risklər yaradacaq,” – deyə o vurğulayıb.
SVR rəhbərinin sözlərinə görə, məsələ Rusiya və ABŞ prezidentləri arasında baş tutan son telefon danışığında da qismən müzakirə olunub.
Xumar Emilqızı
17:28 17.10.2025
Oxunuş sayı: 1491
