KİV: Tramp Zelenskiyə məhdudiyyətləri aradan qaldırmağa hazır olduğunu bildirib
ABŞ prezidenti Donald Tramp Ukrayna prezidenti Zelenskiyə deyib ki, o, Rusiyanın dərinliklərində Amerika silahları ilə zərbələrə qoyulan məhdudiyyətləri aradan qaldırmağa hazırdır, lakin bununla bağlı birbaşa öhdəlik götürməyib.
Crossmedia.az xəbər verir ki, bu barədə "The Wall Street Journal" nəşri məlumat yayıb.
Məlumata görə, Zelenski son görüşündə ABŞ prezidentindən Ukraynaya daha çox uzaqmənzilli raketlər verməsini və onlardan Rusiyadakı hədəfləri vurmaq üçün istifadə etməyə icazə verməsini istəyib. Donald Tramp bu fikrə qarşı olmadığını, lakin qadağanın ləğvi ilə bağlı birbaşa öhdəlik götürmədiyini bildirib.
Bundan başqa, ABŞ rəsmiləri bildiriblər ki, Tramp administrasiyası Ukraynanı “Tomahavk” və digər uzaqmənzilli silahlarla təmin etməyi düşünür. Bu məsələni müzakirə etmək üçün Ukrayna nümayəndələri gələn həftə ABŞ-ın müdafiə naziri Pit Heqsetlə danışıqlar aparmaq üçün Vaşinqtona gedəcəklər.
13:38 27.09.2025
Oxunuş sayı: 5472
