Mirzoyan: Delimitasiya və demarkasiya ilə bağlı xəbərlər ola bilər
Ermənistan təhlükəsizlik, inkişaf və rifaha nail olmağın əsas və qısa yolunu ölkədə dinc, təhlükəsiz mühitin və əməkdaşlıq atmosferinin yaradılması vasitələri hesab edir.
Crossmedia.az xəbər verir ki, bunu hökumət saatı zamanı Ermənistanın xarici işlər naziri Ararat Mirzoyan bəyan edib.
Onun sözlərinə görə, artıq Türkiyə ilə münasibətlərin tənzimlənməsi istiqamətində də ciddi nəticələr görməyin vaxtıdır.
Biz kommunikasiya xətlərinin açılması istiqamətində işləyirik, güman edirik ki, Ermənistan dəmir yolu və digər infrastrukturla bağlı inkişafları anlamaq üçün amerikalılarla təmaslar aktivləşəcək.
Əvvəllər qeyd olunduğu kimi, biz dərc olunmuşdan başqa hər hansı bir məsələ üzrə razılığa gəlməmişik. Çoxlu texniki məsələlər danışıqlar tələb edir. Bizim maraqlarımızdan irəli gəlir ki, kommunikasiyaların açılmasına nail olaq. İnsanlar daim Azərbaycandan Naxçıvana keçiddən danışırlar, amma Ermənistan da eyni dərəcədə və eyni şərtlərlə blokadadan çıxacaq.
Məhz Ermənistan idi ki, 30 il iki tərəfdən blokada altında qalmışdı, buna görə də biz hər şeyi edəcəyik ki, ABŞ prezidenti Trampın iştirakı ilə razılaşdırılmış və imzalanmış sənədlər çərçivəsində mümkün qədər tez blokadanın aradan qaldırılmasına nail olaq.
Biz, həmçinin Azərbaycanla kommunikasiyaların açılması məsələləri, eləcə də delimitasiya və demarkasiya məsələləri üzərində işləyirik ki, bu barədə də xəbərlər ola bilər”, - deyə Mirzoyan qeyd edib.
17:45 10.09.2025
Oxunuş sayı: 4800
