Xarici xəbərlər

İran: ABŞ zərbələri nüvə obyektlərinə ciddi ziyan vurub

İranın xarici işlər naziri Abbas Araqçi bildirib ki, ABŞ-ın hava zərbələri nəticəsində ölkənin nüvə obyektləri ciddi şəkildə zədələnib.

Crossmedia.az xəbər verir ki, bu barədə CBS News telekanalı məlumat verib.

Nazirin sözlərinə görə, Fordo nüvə obyektində nə baş verdiyi dəqiq bilinmir, lakin mövcud məlumatlara əsasən, zədələr “ciddi və ağır”dır. Hazırda İranın Atom Enerjisi Təşkilatı obyektlərdəki vəziyyəti qiymətləndirir və analiz edir. Yekun hesabat hökumətə təqdim olunacaq.

Araqçi qeyd edib ki, obyektlərin hansı səviyyədə ziyan gördüyü və onların yenidən işə salınıb-salınmayacağı barədə hələlik qərar verilməyib.

Nazir əlavə edib ki, Ayətullah Əli Xameneinin verdiyi dini fətvaya əsasən, nüvə silahı İslam Respublikasının müdafiə doktrinasında yer almır və dini baxımdan qadağandır.

Nigar Rəhimova

🖨 Çap et

17:25 03.07.2025

Oxunuş sayı: 718