Paşinyan Erməni kilsəsinin rəhbəri ilə bağlı növbədənkənar seçki tələb edir
Ermənistanın Baş naziri Nikol Paşinyan ölkədə növbədənkənar seçkilərin keçirilməsinin vacibliyini bildirib. O, bu dəfə seçkilərin siyasi deyil, dini liderlə — bütün ermənilərin katolikosu ilə bağlı keçirilməsini tələb edir.
Crossmedia.az xarici mediaya istinadən bildirir ki, Nikol Paşinyan bu fikirlərini sosial şəbəkə hesabında paylaşaraq, “Növbədənkənar seçkilər mütləq keçirilməlidir. Amma bu, bütün ermənilərin katolikosu ilə bağlı növbədənkənar seçkilər olmalıdır” – deyə qeyd edib.
Paşinyanın bu çağırışı Ermənistan-Apostol kilsəsində və ümumilikdə ölkənin dini rəhbərliyi ilə münasibətlərin gərgin olduğuna işarə kimi qiymətləndirilir. Yerli müşahidəçilər hesab edirlər ki, hökumət dini institutlar üzərində daha çox nəzarət qurmaq istəyir və bu səbəbdən də katolikosun dəyişdirilməsi təşəbbüsü ilə çıxış edir.
Qeyd edək ki, Ermənistan Konstitusiyasına əsasən, katolikosun seçilməsi Ermənistan-Apostol kilsəsinin daxili səlahiyyətlərinə daxildir və dövlət bu prosesə birbaşa müdaxilə edə bilmir. Buna baxmayaraq, baş nazirin bu bəyanatı ölkədə yeni siyasi-dini diskussiyalara yol açıb.
Mehriban Yariyeva
10:23 03.07.2025
Oxunuş sayı: 592
