Xarici xəbərlər

Türkiyə XİN rəhbəri HƏMAS nümayəndə heyəti ilə görüş keçirdi

Türkiyənin Xarici İşlər naziri Ankarada Fələstin HƏMAS hərəkatının nümayəndə heyəti ilə görüş keçirib. TRT Haber-in məlumatına görə, görüş zamanı tərəflər Qəzza zolağındakı vəziyyəti və atəşkəs təşəbbüslərinin hazırkı vəziyyətini müzakirə ediblər. Görüşdə əsas diqqət humanitar vəziyyətə yönəldilib və bölgə əhalisinə beynəlxalq yardımın artırılmasının vacibliyi vurğulanıb.

Crossmedia.az xarici mediaya istinadən bildirir ki, Türkiyə tərəfi humanitar böhranın dərinləşdiyini və bu vəziyyətin dərhal müdaxilə tələb etdiyini bildirib. HƏMAS nümayəndələri isə bölgədəki son hadisələr, mülki əhalinin üzləşdiyi çətinliklər və Fələstin xalqına dəstək çağırışlarını gündəmə gətiriblər. Görüşdə həmçinin atəşkəsin təmin olunması istiqamətində beynəlxalq cəhdlərin intensivləşdirilməsinin əhəmiyyəti qeyd olunub.

Mehriban Yariyeva

🖨 Çap et

09:14 03.07.2025

Oxunuş sayı: 644