Qəzzada daha bir qətliam: İsrail hücumlarında 100-dən çox fələstinli həlak oldu
İsrail ordusunun Qəzza zolağına endirdiyi hücumlar nəticəsində iyulun 1-də 100-dən çox fələstinli həyatını itirib. Bu barədə Qətər telekanalı "Əl-Cəzirə" məlumat yayıb.
Crossmedia.az xarici mediaya istinadən bildirir ki, telekanalın mənbələrinə əsasən, israilli hərbçilər tərəfindən 109 fələstinli öldürülüb. Onlardan 28 nəfəri isə humanitar yardım paylama məntəqələrində ərzaq almaq üçün növbə gözləyən insanlar olub. Qəzza zolağının Səhiyyə Nazirliyinin məlumatına görə, may ayının sonlarından bəri bu cür yardım məntəqələrinə edilən hücumlar nəticəsində 600-dən çox insan həlak olub.
Ümumilikdə, 2023-cü ilin oktyabrında başlayan silahlı münaqişənin gedişində indiyədək Qəzza zolağında 56,600-dən çox insan həyatını itirib, 134,000-dən çox şəxs isə yaralanıb. Münaqişə nəticəsində bölgədə humanitar vəziyyət daha da pisləşib, xüsusilə qida və tibbi yardım çatışmazlığı əhalinin durumunu ağırlaşdırır.
Mehriban Yariyeva
10:00 02.07.2025
Oxunuş sayı: 804
