Türkiyə kəşfiyyat rəhbəri HƏMAS nümayəndə heyəti ilə görüşüb
Türkiyə Milli İstihbarat Təşkilatının (MİT) rəhbəri İbrahim Kalın Ankarada HƏMAS hərəkatının Şura Şurasına rəhbərlik edən nümayəndə heyəti ilə görüş keçirib.
Crossmedia.az xəbər verir ki, görüşdə əsas müzakirə mövzusu Qəzza zolağında davam edən humanitar böhran olub. MİT rəhbəri vurğulayıb ki, Türkiyə Fələstin xalqının haqlı mübarizəsini dəstəkləyir və bölgədə sülhün və sabitliyin təmin olunması istiqamətində səylərini davam etdirir.
Tərəflər bölgədəki son vəziyyətə dair fikir mübadiləsi aparıb, eləcə də Türkiyənin Qəzzadakı humanitar vəziyyətin yüngülləşdirilməsi məqsədilə göstərdiyi beynəlxalq təşəbbüslərə dəstək xüsusilə qeyd olunub.
Aybəniz Səfərova
02:37 30.06.2025
Oxunuş sayı: 876
