Fransa XİN rəhbəri: “Fələstini tanımaqda qərarlıyıq, bu, sülhə töhfə verəcək”
Fransa Fələstin dövlətini tanımaq niyyətində qətiyyətli olduğunu bir daha bəyan edib.
Crossmedia.az xəbər verir ki, bu barədə Fransanın xarici işlər naziri Jan-Noel Barro yerli mətbuata açıqlamasında danışıb.
Nazir bildirib ki, rəsmi Paris bu addımı atmaqda sadiqdir və bu qərar Yaxın Şərqdə sülhün təmininə, beynəlxalq ictimaiyyətin isə vahid mövqe sərgiləməsinə töhfə verməlidir: “Fələstin dövlətini tanımaqda qərarlıyıq. Bu qərar tərəfləri həmin dövlətin varlığını mümkün edəcək şərtləri formalaşdırmağa sövq edəcək”.
N.Barro əlavə edib ki, son bir ay ərzində Qəzzada ərzaq paylanması zamanı 500 nəfər həlak olub, təxminən 4 000 nəfər isə yaralanıb. O, İsrailin Qəzzaya hərbi hücumlarını davam etdirməsi üçün hüquqi və insani əsasın artıq qalmadığını vurğulayıb.
01:44 30.06.2025
Oxunuş sayı: 575
