Xarici xəbərlər

İranın dezinformasiya təbliğatı yenidən Azərbaycana yönəlib

İyunun 28-də İrana bağlı “Sepah” təşkilatına yaxınlığı ilə tanınan “Suriya xəbərləri” adlı “Telegram” kanalında Azərbaycana qarşı növbəti dezinformasiya kampaniyasına start verilib. Kanaldakı paylaşımlarda guya “Azərbaycan ərazisindən İranın hava məkanına pilotsuz uçuş aparatlarının (PUA) daxil olması” barədə “etibarlı sübutlar” olduğu iddia olunub.

Crossmedia.az xəbər verir ki, paylaşımda yayılan fotoların mənbəyi və etibarlılığı təsdiqlənməyib. Buna baxmayaraq, məqsədin ictimai rəydə manipulyasiya yaradaraq Azərbaycanı bölgədə sabitliyi pozan tərəf kimi təqdim etmək olduğu açıq şəkildə sezilir.

Bundan başqa, 2023-cü ildə Şiraz şəhərində yerləşən “Şahçıraq” ziyarətgahında törədilən terror aktı və guya casus şəbəkələrinə dəstək verilməsi kimi iddialar yenidən Azərbaycanla əlaqələndirilib. Paylaşımda Azərbaycan Prezidenti haqqında təhqiramiz ifadələr işlədilib və ölkə rəhbərliyinə qarşı təxribat xarakterli çağırışlara yer verilib.

Analitiklər bu cür kampaniyaların məqsədli şəkildə iki ölkə arasında gərginliyi artırmaq və daxili auditoriyaya yönəlmiş təbliğat vasitəsi kimi istifadə olunduğunu bildirirlər.

🖨 Çap et

15:40 29.06.2025

Oxunuş sayı: 632