İran və Səudiyyə Ərəbistanının yüksək rütbəli hərbi rəsmiləri telefon danışığı aparıb
Bu gün İran Silahlı Qüvvələrinin Baş Qərargah rəisi Əbdürrəhim Musəvi ilə Səudiyyə Ərəbistanının müdafiə naziri Xalid bin Salman bin Əbdüləziz arasında telefon danışığı baş tutub.
Crossmedia.az bu barədə xarici KİV-ə istinadən xəbər verir.
Görüş zamanı tərəflər ikitərəfli müdafiə əlaqələrini müzakirə ediblər. Danışıqda həmçinin regiondakı cari proseslər, eləcə də təhlükəsizlik və sabitliyin qorunması istiqamətində səylərin artırılması məsələləri ətrafında fikir mübadiləsi aparılıb.
Tərəflər iki ölkə arasında əməkdaşlığın davam etdirilməsinin vacibliyini vurğulayıblar. Bu cür yüksək səviyyəli təmaslar Tehran və Ər-Riyad arasında son dövrlərdə müşahidə olunan normallaşma prosesinin davamı kimi qiymətləndirilir.
11:19 29.06.2025
Oxunuş sayı: 677
