Türkiyə-Qətər liderləri telefonda Yaxın Şərqdəki gərginliyi müzakirə ediblər
Türkiyə Prezidenti Rəcəb Tayyib Ərdoğan Qətər Əmiri Şeyx Təmim bin Həməd Al Sani ilə telefon danışığı aparıb.
Crossmedia.az xəbər verir ki, bu barədə Türkiyə Prezident Administrasiyasının Rabitə İdarəsi məlumat yayıb.
Görüş zamanı iki ölkə arasında ikitərəfli münasibətlərlə yanaşı, regional və qlobal məsələlər də müzakirə olunub.
Ərdoğan söhbət zamanı Türkiyənin Qətərin suverenliyinə qarşı yönəlmiş hər cür hücumu qətiyyətlə pislədiyini və Ankara rəhbərliyinin hər zaman Qətər xalqının yanında olduğunu vurğulayıb.
Türkiyə lideri, həmçinin NATO Sammiti çərçivəsində İran və İsrail arasında artan hərbi gərginlik mövzusunu müzakirə etdiyini bildirib. O, tərəflərin de-fakto atəşkəsə əməl etməsinin və bu sakitliyin davamlı sülhə çevrilməsinin vacibliyini qeyd edib.
Aybəniz Səfərova
00:30 27.06.2025
Oxunuş sayı: 582
