KİV: Putin danışıqlara yalnız iqtisadiyyat çöksə razı ola bilər
Almaniyanın "Deutsche Welle" (DW) nəşri Rusiya və Ukrayna arasında Türkiyədə aparılan danışıqlara həsr olunmuş məqaləsində tərəflər arasında dialoqun bərpası perspektivlərini təhlil edib.
Crossmedia.az xəbər verir ki, Türkiyənin xarici işlər naziri Hakan Fidanın sözlərinə görə, İstanbulda Rusiya və Ukrayna nümayəndələri növbəti görüşün keçirilməsi ilə bağlı prinsipial razılığa gəliblər.
DW-yə danışan hərbi ekspert və Ukrayna Silahlı Qüvvələrinin keçmiş zabiti İvan Stupak bildirib ki, cəbhədə üstünlük rusların tərəfində olduğundan, Moskva hələlik danışıqlara meyilli deyil.
Ukrayna Milli Strateji Araşdırmalar İnstitutunun eksperti İvan Us isə DW-yə açıqlamasında qeyd edib ki, dialoqun payız aylarında yenidən gündəmə gəlməsi ehtimalı daha yüksəkdir.
Onun sözlərinə görə, Rusiya iqtisadiyyatı ilə bağlı rəsmi göstəricilər bu ilin oktyabrında ciddi geriləmə yaşana biləcəyini göstərir. Ekspertə görə, yalnız bundan sonra Rusiya Prezidenti Vladimir Putin atəşkəslə bağlı danışıqlara razı ola bilər.
09:30 18.05.2025
Oxunuş sayı: 706
