Xarici xəbərlər
Hakan Fidan: “Bu gün qlobal sülh üçün vacib gündür”
Türkiyənin xarici işlər naziri Hakan Fidan Rusiya və Ukrayna nümayəndə heyətləri arasında İstanbulda keçirilən görüş barədə məlumat verib.
Crossmedia.az xəbər verir ki, Türkiyənin vasitəçiliyi ilə baş tutan danışıqlarda tərəflər 1000-ə 1000 formatında əsir mübadiləsi ilə bağlı razılığa gəliblər.
“Bu gün qlobal sülh üçün mühüm gündür. Gərgin diplomatik səylər nəticəsində Rusiya və Ukrayna nümayəndə heyətləri İstanbulda görüş keçirdi. Görüşün sonunda etimadı artırmaq məqsədilə əsir mübadiləsi barədə razılaşma əldə olunub,” – deyə Hakan Fidan bildirib.
O qeyd edib ki, tərəflər eyni zamanda davamlı sülhə nail olmaq məqsədilə yazılı şərtlərin mübadiləsi və danışıqların davam etdirilməsi barədə razılığa gəliblər.
20:21 16.05.2025
Oxunuş sayı: 13091
