Sadır Japarov: Tarixi təhrif edib qırğızlarla qazaxları üz-üzə qoymaq istəyirlər
Qırğızıstan Prezidenti Sadır Japarov qazaxlarla qırğızlar arasındakı münasibətlər və Kenesarı xanın mövzusu ətrafında yaranan provakasiyalara münasibət bildirib.
Crossmedia.az xəbər verir ki, bu barədə Sputnik Qazaxıstan xəbər verir.
Prezidentin sosial şəbəkələrdə paylaşdığı yazının səbəbi internetdə yayılan və Kenesarı xanın Qırğız torpaqlarına basqınını əks etdirən videodur. Japarov qeyd edib ki, video müəllifi tarixi faktları qəsdən təhrif edir.
“Video müəllifi əsassız nəticələr çıxarır, guya qırğızlar xarici qüvvələrlə birgə qazax xalqına qarşı hərəkət ediblər”, — deyə Prezident bildirib.
Qeyd edək ki, Japarov videoda təhrif edilmiş bir neçə tarixi məqamı qeyd edib: “Kenesarı xan həqiqi igid idi. Lakin onun Qırğız torpaqlarına daxil olduğunu və bununla bağlı müqavimətə rast gəldiyini inkar etmək olmaz. Ormon xan ilə Kenesarı arasında aparılan danışıqlara və qazax-qırğız toqquşmalarına baxanda Kenesarı xanın qoşunlarının məğlub edildiyi görünür".
Prezident əlavə edib ki, Ormon xan açıq döyüşdə mərd səhralıq və dağ döyüşçülərinin qarşılaşmasında rəqibinə qalib gəlib və hər hansı xəyanət etməyib.
Kenesarı xanın başının Rusiyada olması barədə Japarov deyib ki, ruslar onun öldüyünə inanmadıqları üçün belə oldu: “Kenesarı həm də Omskdakı rus garnizonlarına hücum etmişdi. Buna görə nümayəndə heyəti gəlib ‘Bədənin tədqiqi üçün onu bizə verin, onu Omskda saxlayacağıq’ dedi. Beləcə, Kenesarı xanın başı əvvəlcə Omska, sonra isə Sankt-Peterburqa aparıldı".
Bildirək ki, Prezident həm qazax, həm də qırğız gənclərini belə provakasiyaların qurbanına çevrilməməyə çağırıb: “Biz xalqlarımız arasındakı qohumluq, qardaşlıq və yaxın əlaqələrə qürur duymalıyıq. Mən özüm buna böyük hörmətlə yanaşıram. Mən, məsələn, qismən qazax xalqının qohumuyam".
Xumar Emilqızı
13:02 16.05.2025
Oxunuş sayı: 979
