Vyetnam köhnə zenit toplarını müasirləşdirərək yeni müdafiə gücü yaradır
Vyetnamda köhnə 57 mm-lik S-60 zenit toplarının müasirləşdirilməsi ilə bağlı maraqlı bir layihə həyata keçirilir. Bu toplar köhnəlmiş və istifadəyə yararsız hesab olunsa da, onları yenidən döyüş qabiliyyıtli vəziyyətə gətiriblər.
Crossmedia.az xarici mediaya istinadən xəbər verir ki, layihə çərçivəsində bu toplar müasir avadanlıqlarla təchiz olunub. Batareyalar mobil radiolokasiya sistemi, optik-elektron müşahidə qurğusu və avtomatlaşdırılmış komanda məntəqəsi ilə idarə olunur. Toplardan həm əl ilə, həm də uzaqdan idarəetmə ilə istifadə etmək mümkündür. Hər top elektrik ötürücülər və sensorlar ilə təchiz edilib, bu da onlara hədəfi daha dəqiq vurmaq imkanı verir.
Bu sistemlər havadan müdafiə sahəsində geniş şəbəkəyə qoşula bilir və əsasən yavaş hərəkət edən dron-kamikadzələrə qarşı istifadə olunur.
Vyetnam bu topları uzun illər arsenalında saxlayıb. Bu gün yerli sənayesi topların təmirini, ehtiyat hissələrinin və hətta sursatların istehsalını təmin edə bilir.
12:40 15.05.2025
Oxunuş sayı: 622
