NATO sammitində əsas mövzu hərbi xərclər olacaq
24–25 iyun tarixlərində Haaqada keçiriləcək NATO sammitində əsas diqqət hərbi xərclərin artırılması və müdafiə sənayesinin genişləndirilməsinə yönələcək.
Crossmedia.az xəbər verir ki, bu barədə “Bloomberg” məlumat yayıb.
Məlumata görə, bu dəfəki sammit əvvəlkilərlə müqayisədə daha qısa olacaq və yekununda sadə bir deklarasiya qəbul ediləcək. Sammitdə Ukraynanın NATO-ya üzvlüyü məsələsi əsas müzakirə mövzusu olmayacaq.
Agentlik qeyd edir ki, alyansa üzv ölkələr 2032-ci ilə qədər müdafiə xərclərini ÜDM-in 5 faizinə qədər artırmaq niyyətindədir. Bu təşəbbüs, ABŞ-ın sabiq prezidenti Donald Trampın hərbi xərclərlə bağlı çağırışlarına cavab olaraq gündəmə gətirilib.
Sözügedən planlar bu həftənin çərşənbə və cümə axşamı günləri Türkiyədə keçiriləcək NATO Xarici İşlər Nazirləri toplantısında da müzakirə olunacaq. Hazırda NATO-nun 32 üzvündən heç biri, o cümlədən ABŞ belə, bu maliyyə hədəfinə çatmayıb.
Nigar Rəhimova
15:53 14.05.2025
Oxunuş sayı: 563
