Sovet dövrünə aid 53 illik kosmik gəmi Yerə düşməyə hazırlaşır
Sovet İttifaqı tərəfindən 1972-ci ildə kosmosa buraxılan və orbitdə qapalı qalan “Kosmos 482” adlı kosmik aparatın yaxın günlərdə Yerə düşəcəyi gözlənilir.
Crossmedia.az xəbər verir ki, alimlər bu 53 yaşlı obyektin mayın 10-da atmosferə daxil olacağını ehtimal edir. Çəkisi təxminən 500 kiloqram olan aparatın saatda 240 km-dən çox sürətlə Yerə düşəcəyi bildirilir.
NASA-nın keçmiş mühəndisi Harvard Simons bu barədə deyib: “Obyektin düşmə nöqtəsi əvvəlcədən dəqiq müəyyən edilə bilməz, amma ehtimal olunan zərər riski olduqca aşağıdır.”
Qeyd edək ki, “Kosmos 482” Venera planetinə göndərilməli idi, lakin daşıyıcı raketdəki nasazlıq səbəbindən Yer orbitində ilişib qaldı. O, illərdir planet ətrafında dövr edir. Alimlər düşmə zamanı obyektin böyük hissəsinin atmosferdə yanaraq yox olacağını bildirir.
20:36 02.05.2025
Oxunuş sayı: 1240
