Çin ABŞ-a cavab olaraq tarifləri 84 faizə yüksəltdi
Çin ABŞ mallarına tətbiq etdiyi gömrük rüsumlarını 34 faizdən 84 faizə qədər artırdığını açıqlayıb. Yeni tariflər aprelin 10-dan qüvvəyə minəcək. Bu addım, ABŞ Prezidenti Donald Trampın Çindən idxala tətbiq etdiyi 104 faizlik tarif qərarına cavab olaraq atılıb.
Crossmedia.az xarici mediaya istinadən bildirir ki, ABŞ Maliyyə naziri Skott Bessent bu qərarın “təəssüf doğurduğunu” deyib:
“Çin gəlib danışıqlar aparmaq istəmir. Tarifləri artıra bilərlər, amma nə olacaq? Bu, Çin üçün itkidir”. O, Vyetnamın danışıqlara qoşulacağını, Yaponiya, Hindistan və Cənubi Koreya ilə də görüşlər planlaşdırıldığını bildirib.
Tramp isə tarif siyasətini davam etdirəcəyini bildirib. Fevralda 10 faizlə başlayan rüsumlar martda 20 faizə, indi isə 104 faizə yüksəlib. Çin Xarici İşlər Nazirliyi isə geri addım atmayacağını bəyan edərək, ABŞ-ın təzyiq siyasətinə boyun əyməyəcəklərini vurğulayıb.
Fatimə Nəbiyeva
17:18 09.04.2025
Oxunuş sayı: 1447
